Elevarbeid: Brev til nye elevar ved DNSB frå 1.-2. trinn
Dei siste åra har elevane på 1.-2. trinn skrive brev til nye elevar til skulen. Ingen unntak i år. I fjor fekk elevane som skulle starte på 1.-2. trinn desse breva tilsendt i posten saman med eit brev frå læraren, men i år vel vi å leggje dei ut her slik at alle får lese alle sine brev (og vi slepp å vere borti same arket som andre. Les: Corona). Før skrivearbeidet starta laga vi tankekart om kva som kunne vere med. Dette er ein fin måte å få start på tankeprosessen og at alle kjem i gong med skrivinga relativt kjapt. Vi prata òg om korleis vi skal nærme oss ein mottakar. Korleis startar vi eit brev vi ikkje veit kven går til? Kva for informasjon treng dei som skal få brevet? Kva trur vi dei veit frå før?
